Wararka Idaacada Dalsan ee Magaalada Muqdisho ay ka heleyso Dekedda Magaalada Berbera ayaa waxa ay sheegayaan in halkaasi saakay uu ka dhacay weerar khasaaro geystay .

Weerarka ayaa waxaa la sheegay in lagu qaaday Shaqaalaha Ajaanibta ee ka xoogsata Dekadda Berbera,isla markaana waxaa geystay Shaqaalaha muruq maalka ee isla halkaas ka shaqeeya.

Sababta ay muruq maalka u weerareen Shaqaalaha Ajaanibta ah ayaa waxaa ay ku sheegeen inay tahay,kadib markii ay ka xoogeen shaqadoodii,waxaana ay sheegeen in aysan dooneyn in shaqo ay qaban karaan loo dhiibo dad Ajaanib ah.

Ugu yaraa 5 ruux oo oo kamid ahaa Shaqaalaha Ajaanibta ee ka xoogsata Dekadda Berbera ayaa la xaqiijiyay inay ku dhaawacmeen weerarka,isla markaana waxaa la dhigay Isbitaalka ku yaalla halkaasi si xaaladooda Caafimaad loo dabiibo.

Wararka ayaa intaasi waxaa ay ku darayaan in la xabsiga la dhigay xubno ka tirsan dadkii muruq maalka ahaa ee weerarka ku qaaday Shaqaalaha Ajaanibta,waxaana xiray Ciidanka Booliska Soomaaliland.

  

LEAVE A REPLY

Please enter your comment!
Please enter your name here